INIESTA AIKACHA MAN UNITED KUSAINI BARCELONA KWA KIPINDI KINGINE

KLABU ya Manchester United imepata pigo kubwa baada ya nyota wa Barcelona iliyekuwa inamtaka, Andres Iniesta kukubali kusaini Mkataba mpya na klabu yake hiyo ya Hispania.

Mkurugenzi wa Michezo wa Barca, Andoni Zubizarreta amesema kiungo huyo yuko karibu kusaini Mkataba mpya na vinara hao wa La Liga.

Mchezaji huyo mwenye umri wa miaka 29 ilielezwa hafurahii maisha Nou Camp kutokana na kutofautiana na mabosi wa timu hiyo, hivyo kumpa matumaini kocha David Moyes, ambaye amekuwa akimmezea mate na kutaka kumsajili Januari. 

Pamoja na hayo, kipa wa zamani wa Barca, Zubizarreta amepuuza madai kwamba Iniesta ataihama klabu hiyo.