Milandu Sports: JANUZAJ KUTENGEWA TUZO MAN UNITED

WASHINDANI 10 wa tuzo ya Mwanamichezo Bora Chipukizi wa mwaka wa Shirika la Utangazaji Uingereza (BBC) 2013 wametajwa akiwemo kinda wa Manchester United, Adnan Januzaj.

Mchezaji huyo mwenye umri wa miaka 18 atatarajia kufuata nyayo za mchezaji mwenzake, Wayne Rooney, ambaye alishinda tuzo hiyo mwaka 2002.

Januzaj alizaliwa Ubelgiji lakini bado hajaamua ataichezea nchi gani na kwa sasa hawezi kuchezea England. Pamoja na kwamba si Muingereza, anastahili tuzo ya BBC kwa kuwa ni raia na anacheza Uingereza na mafanikio yake ameyapata katika nchi hii si timu ya taifa.

Mafanikio mapema: Adnan Januzaj ameingia kwenye orodha ya wanaowania tuzo ya Mwanamichezo Bora wa BBC

Januzaj atachuana na Dina Asher-Smith, akiwa na umri wa miaka 17 ameweka rekodi ya kuwa binti mdogo wa pili kushinda Medali katika mashindano ya Riadha ya Dunia, alipoisaidia timu ya wanawake ya Uingereza kutwaa Shaba katika mbio za mita 4x100 relay.

Wengine kwenye orodha hiyo ni pamoja na Charley Hull, mwenye umri wa miaka 17 aliyekuwa kinda zaidi kucheza michuano ya gofu ya Ulaya au Marekani, Kombe la Solheim, akifunga pointi mbili kati ya tatu Ulaya ikitamba kwa mara ya kwanza katika ardhi ya Amerika.

Mvunja rekodi mwingine kwenye orodha ni Amber Hill, ambaye alikuwa ana umri wa miaka 15 tu wakati alipoibuka mshindi kinda zaidi daima katika mchuano ya kombe la Dunia ya wakubwa na kumaliza msimu akishika nafasi ya tano katika ubora duniani.

Dina Asher-Smith (kulia) pia yumo

WASHINDI WA AWALI

2012: Josef Craig
2011: Lauren Taylor
2010: Tom Daley
2009: Tom Daley
2008: Ellie Simmonds
2007: Tom Daley
2005: Harry Aikines-Aryeetey
2006: Theo Walcott
2004: Andy Murray
2003: Kate Haywood
2002: Wayne Rooney
2001: Amy Spencer

Wengine ni muogeleaji James Guy, bti kinda kushindana kwa Uingereza katika michuano ya mmoja mmoja; Jess Judd, mwanariadhakinda kuiwakilisha Uingereza katika mbio za mita 800 katika mashindano ya dunia; muogeleaji wa mashindano ya walemavu, Amy Marren ambaye akiwa na umri wa miaka 15 alifanikiwa kushinda Medali nne za Dhahabu katika michuano ya mwaka 2013 ya IPC ya ubingwa wa dunia; Bingwa kinda wa Ulaya wa kunyanyua uzito, Rebekah Tiler; mkimbiaji mlemavu, Isaac Towers, ambaye akiwa na umri wa miaka 15, alivunja rekodi ya wakubwa Ulaya ya mita 1500; Kimberley Woods ambaye alishinda mataji kadhaa mwaka 2013 yakiwemo ya Dhahabu katika C1W Kombe la Dunia la wakubwa.

Tuzo ya Mwanamichezo Chipukizi wa mwaka wa BBC, inatolewa kwa kinda aliyefanya vizuri kwa mwaka husika, ambaye ana umri usiozidi miaka 17 na baadhi ya waliowahi kutwaa tuzo hiyo ni pamoja na Ellie Simmonds, Wayne Rooney, Tom Daley na Andy Murray.