NIONZIMA AIPELEKA RWANDA ROBO FAINALI

BAO la Ndahinduka Michel dakika ya 75 limeipa Rwanda ushindi wa 1-0 dhidi ya Eritrea katika mchezo wa mwisho wa Kundi C, Kombe la Mataifa ya Afrika Mashariki na Kati, CECAFA Challenge leo Uwanja wa Kenyatta, Machakos, Kenya.

Kwa ushindi huo, Rwanda inafanikiwa kufuzu Robo Fainali kama best loser wa pili, baada ya Burundi na sasa Nahodha wa timu hiyo, kiungo Haruna Niyonzima anayechezewa klabu ya Yanga ya Dar es Salaam anaendelea kula maisha Kenya.

 Zanzibar imeaga mashidano pamoja na Eritrea, Sudan Kusini na Somalia na sasa Amavubi inaungana na Tanzania Bara, Uganda, Kenya, Sudan, Ethiopia na Zambia kwenda Mombasa katika Nane Bora.  

    Kenya imeshinda kura ya sarafu na kuwa kinara wa Kundi A, baada ya kulingana kwa kila kitu na Ethiopia.