HII NDIO HESHIMA YA ZLATAN IBRAHIMOVIC SWEEDEN

NAFASI ya Sweden katika fainali zijazo za Kombe la Dunia inaweza kuwa bado ipo shakani, lakini hiyo haijazuia Mamala ya Posta nchini humo kumpa heshima mshambuliaji Zlatan Ibrahimovic - ya kutumia picha yake katika stempu.

 

Mshambuliaji huyo wa PSG, ambaye ataongoza safu ya ushambuliaji ya nchi hiyo katika mchezo wa kwanza wa mchujo dhidi ya Ureno Ijumaa, yupo katika zoezi la kutengeneza aina tano za stempu ambazo zitatolewa Machi mwakani.

 

Ibrahimovic alisema: "Nimepata fursa ya kuwa kwenye kona ya stempu na itakuwa babu kubwa zoezi likikamilika.

 

"Ni heshima kubwa kuwa katika stempu ya posta, nina ninajivunia sana kuteuliwa,"

 

Matumaini ya Sweden kucheza Fainali za Kombe la Dunia za Brazil yapo begani mwa mshambuliaji huyo mwenye umri wa miaka 32, ambaye hivi karibuni ametajwa kwenye orodha ya wachezaji wanaowania tuzo za Mwanasoka Bora wa Dunia 2013, FIFA Ballon d'Or na tuzo ya Bora Bao la Mwaka, Puskas kutokana na bao lakealilofunga dhidi ya England.